თევზი ქინძმარით

მასალა:

თევზი (ნებისმიერი, სასურველია თეთრი)  1 კგ.

დაფნის ფოთოლი  1ც.

მწარე წიწაკის მარცვლები 2-3ც.

ქინძი  100-150გრ.

თეთრი ღვინის ძმარი  50გრ.

დაფქვილი შავი პილპილი და მარილი გემოვნებით.

მომზადება:

თევზი მოვხარშოთ მარილთან, დაფნის ფოთოლთან და წიწაკის მარცვლებთან ერთად. ამოვიღოთ ბულიონიდან და გავაცივოთ. მომზადებული თევზი დავჭრათ საშუალო ზომის ნაჭრებად.

სოუსის მომზადება:

ქინძი დავჭრათ წვრილად, დავასხათ ძმარი, დავუმატოთ 1/3 ჭიქა გაცივებული, ქაფმოხდილი თევზის ბულიონი, მოვაყაროთ მარილი, პილპილი და კარგად ავურიოთ. თითოეულ თევზის ნაჭერს მოვასხათ მომზადებული სოუსი.