თაფლის რულეტი
მასალა:
ბისკვითისთვის:
კვერცხი 4ც.
თაფლი 2 ს/კ.
პურის ფქვილი 0,5 ჭიქა
გამაფხვიერებელი 1 ჩ/კ.
კრემისთვის:
კარაქი 200გრ.
სგუშონი 1ც.
გახეხილი შოკოლადი
გემოვნებით.
ბისკვიტის მომზადება:
ყვითრი და ცილა
განვაცალკევოთ ერთმანეთისაგან. ყვითრს დავამატოთ
თაფლი, კარგად ავთქვიფოთ, შემდეგ დავამატოთ გაცრილი ფქვილი და
გამაფხვიერებელი, ავურიოთ. ცილა ავთქვიფოთ გათეთრებამდე, ცოტცოტა დავამატოთ ცომს
და კარგად ავურიოთ. (ცომი უნდა იყოს ისეთი სისქის როგორიც ტორტის ბისკვიტის ცომი).
მომზადებული ცომი მოვათავსოთ გაცხელებულ გამოსაცხობ ფორმაზე რომელზეც წინასწარ
დაფარებული გვექნება პერგამენტის ქაღალდი და წასმული გვექნება კარაქი. შევდგათ
აირღუმელში და გამოვაცხოთ 5–7 წუთი. მომზადებული ფირფიტა გამოვიღოთ აირღუმელიდან,
მოვაცალოთ ქაღალდი გადავახვიოთ ტილოში და გავაჩეროთ ცოტა ხანი გასაციებლად.
კრემის მომზადება:
კარაქი ავთქვიფოთ მიქსერით,
დავამატოთ სგუშონი და კვლავ ავთქვიფოთ ერთიანი მასის მიღებამდე. მომზადებული კრემი
წავუსვათ გაციებულ ფირფიტას და გადავახვიოთ რულეტისებურად. (ცოტა კრემი შევინახოთ
რულეტის ზედაპირზე წასასმელად) შემდეგ რულეტს ზედაპირზე წავუსვათ კრემი და
მოვაყაროთ გახეხილი შოკოლადი. მომზადებული რულეტი შევდგათ მაცივარში რამოდენიმე
საათით. (შეგვიძლია თავზე მოვაყაროთ
ნიგოზი ან შემწვარი არქისი, წვრილად დაჭრილი).
|
