ტორტი ალუბლით

მასალა:

კვერცხი 14ც.

შაქრის ფხვნილი 5 ჩ/ჭ.

კარაქი 100გრ.

რძე 1 ჩ/ჭ.

ფქვილი 11 ს/კ.

ალუბალი 1,5–2 კგ.

ვანილი და კონიაკი გემოვნებით.

მომზადება:

კარგად გარეცხილ ალუბალს გამოვაცალოთ კურკა, გავარჩიოთ შუაზე და ქვაბში ფენა–ფენა ჩავაწყოთ ჯერ ალუბალი, შაქრის ფხვნილი (2 ჩ/ჭ), ისევ ალუბალი და ა.შ. მეორე დღეს, ან 4–5 საათის შემდეგ ალუბალი გაუშვებს წვენს და მზად იქნება ტორტისათვის. 1 ჩ/ჭ. ალუბალი დავტოვოთ მთელები (უშაქროდ) ტორტის ზემოდან მოსართავად.

ბისკვიტის მომზადება:

12 კვერცხის ცილა აფთქვიფოთ კარგად. შევათქვიფოთ 12 ს/კ. შაქრის ფხვნილი და კვერცხის გულები, დავამატოთ ვანილი და 10 ს/კ. გაცრილი ფქვილი, ჩავასხათ პერგამენტგადაფარებულ და ცხიმწასმულ ყალიბში და შევდგათ ღუმელში გამოსაცხობად. (სურვილისამებრ შეგვიძლია ზემოდან ბოლოს მოვაყაროთ ცოტა გახეხილი შოკოლადი).

კრემის მომზადება:

2 კვერცხის გულისა და 1 ჩ/ჭ. შაქრის ფხვნილისაგან გავაკეთოთ გოგლიმოგლი. დავამატოთ 1 ს/კ. ფქვილი, დავასხათ 1 ჩ/ჭ. ცხელი რძე, დავადგათ ცეცხლზე და მივიყვანოთ ადუღებამდე. როცა გაცივდება, შევათქვიფოთ 100გრ. დარბილებული კარაქი.

ტორტის აწყობა:

ბისკვიტი გავჭრათ შუაზე, დავნამოთ ალუბლის წვენით, რომელსაც დამატებული ექნება 2 ს/კ. კონიაკი, ან არაყი. ქვედა ფენა დავფაროთ დაშაქრული ალუბლით, დავასხათ კრემი, შემდეგ ისევ ალუბალი და დავაფაროთ ზედა ფენა. 2 კვერცხის ცილა (რომელიც კრემიდან დაგვრჩა) გავთქვიფოთ გათეთრებამდე. თანდათან შევურიოთ ნახევარი ჩ/ჭ. შაქრის ფხვნილი, ვანილი და დაშაქრული ალუბალი (დაახლოებით 1 ჩ/ჭ.); ვთქვიფოთ კარგად მიქსერით სანამ სქელ მასას არ მივიღებთ, ამ მასით დავფაროთ ტორტი მთლიანად (ზემოდან და გვერდებზე) და მოვრთოთ ცოცხალი ალუბლებით.