სვანური ჭვიშტარი

მასალა:

სიმინდის ფქვილი 1 კგ.

რძე 100-150 მლ.

მაწონი 100-150 მლ.

კვერცხი 2ც.

მარილი გემოვნებით.

ქარაქი (ტაფაზე წასასმელად) 3 ს/კ.

შიგთავსისთვის:

ყველი (იმერული ან სულგუნი) 700–800გრ.

კვერცხი 1ც.

ქარაქი 3 ს/კ.

მომზადება:

ფქვილი გავცრათ. რძე და მაწონი გავაცხელოთ, ჩავასხათ ფქვილში და მოვზილოთ ცომი.შემდეგ დავამატოთ ათქვეფილი კვერცხი და კარგათ ავურიოთ ერთიანი მასის მიღებამდე. შიგთავსისთვის ყველი გავხეხოთ, დავამატოთ კვერცხი, გამდნარი ქარაქი და კარგად ავურიოთ. მოზელილი ცომი გავჭრათ 2 ნაწილად, ცომის ერთი ნაწილი გავაბრტყელოთ (გაცხელებულ, ცხიმწასმულ გამოსაცხობ ფორმაზე)მოვაყაროთ მომზადებული შიგთავსის ნახევარი, თანაბრად გადავანაწილოთ ცომის ზედაპირზე, შემდეგ დავაფაროთ ცომის მეორე ნახევარი გვერდები მოვუსწოროთ და მოვაყაროთ დარჩენილი შიგთავსი (თანაბრად გადავანაწილოთ ზედაპირზე). თავდაპირველად გამოვაცხოთ თავდახურულ ფორმაში დაბალ ტემპერატურაზე, ხოლო როცა ყველი გადნობას დაიწყებს მოვხადოთ თავსახური და მოვუმატოთ ტემპერატურას.