სუპ–ხარჩო

მასალა:

წყალი 3 ლ.

საქონლის ხორცი  (გრუძინკა) 500გრ.

ბრინჯი 1/2 ჭიქა

ნიგოზი 1/2 ჭიქა

ხახვი 4 თავი

ნიორი 4-6 კბილი

ოხრახუშის ძირი 1ც.

სიმინდის ფქვილი 1 ს/კ.

კარაქი 2 ს/კ.

ტყემლის ტყლაპი (ან ტყემალი 5–6 ცალი) 50გრ.

დაფნის ფოთოლი 1-2ც.

ქინძი  10-15 ძირი

ოხრახუში  10-15 ძირი

რეჰანი 5-6 ძირი

უცხო სუნელი 1 ჩ/კ.

ხმელი ქინძი 1/2 ჩ/კ.

დაფქვილლი ხარჩოს სუნელი (კვლიავი) 1 ჩ/კ.

დაფქვილი ზაფრანა  1/4 ჩ/კ.

მწვანე ცხარე  წიწაკა 1/2ც.

წიწაკის მარცვლები  5–6ც.

დაფქვილი შავი პილპილი და მარილი გემოვნებით.

მომზადება:

ტყლაპი დავაქუცმაცოთ, დავასხათ ადუღებული წყალი დავაფაროთ თავზე და გავაჩეროთ 20–30 წუთი, შემდეგ გავწუროთ და ცოტა შევბრაწოთ ბულიონიდან მოხდილი ცხიმით (2–3 ს/კ). ხორცი დავჭრათ საშუალო ზომის ნაჭრებად, ჩავყაროთ მარილიან წყალში და ვხარშოთ დაბალ ტემპერატურაზე, განუწყვეტლივ მოვქაფოთ და მოვხადოთ ცხიმი, მომზადების ბოლოს დავუმატოთ დაფნის ფოთოლი და წიწაკის მარცვლები. ხახვი წვრილად დავჭრათ და მოვთუშოთ კარაქში, მომზადების ბოლოს დავუმატოთ სიმინდის ფქვილი.პეტრუშკის ძირი წვრილად დავჭრათ და ცოტა მოვთუშოთ 1/2  ს/კ  ბულიონისგან მოხდილი ცხიმით. ადუღებულ ბულიონს დავუმატოთ გარეცხილი ბრინჯი, ხახვი, პეტრუშკის ძირი, ტყლაპი და ვხარშოთ ბრინჯის მოხარშვამდე, შემდეგ დავუმატოთ  გატარებული ნიგოზი, ნიორი და წიწაკა, სუნელები, წვრილად დაჭრილი მწვანილები მოვაყაროთ მარილი, პილპილი, კარგად ავურუიოთ და გავაჩეროთ გაზქურაზე დამატებით 5 წუთი, შემდეგ გადმოვდგათ და სუფრაზე მიტანის წინ მოვაყაროთ დაჭრილი მწვანილი.