სოკო კეცზე (ცეზარი)
მასალა:
სოკო (ნიყვი) 1კგ.
ერბო 100გრ.
სულუგუნი (ან ნებისმიერი) 200გრ.
შავი პილპილი და მარილი გემოვნებით.
მომზადება:
სოკო გავრეცხოთ, დავჭრათ მსხვილ ნაჭრებად, კეცზე დავდოთ ერბო, შემდეგ
სოკო ერთ ფენად, მოვაყაროთ მარილი, პილპილი, შევდგათ 200 °С–ზე გაცხელებულ
აირღუმელში დაახლოებით 10–15 წუთი. მომზადებამდე 5 წუთით ადრე სულგუნი დავჭრათ
კუბიკებად და მოვაწყოთ სოკოზე, როდესაც ყველი გადნება, კეცი გამოვიღოთ
აირღუმელიდან და მზადაა. (ესეთივე მეთოდით მზადდება თეთრი სოკო და შამპინიონის
დიდი ქუდები (ისინი კეცზე უნდა მოვათავსოთ მოჭრილი ძირით ზევით). ყველის მაგივრად
შეგვიძლია გამოვიყენოთ გატარებული ნიგოზი და ნიორი. გამოდის ძალიან გემრიელი ცხელი
კერძი).
|
