სოჯუ

ერთ-ერთი იაპონური სასმელის "სოჯუს” ისტორია 1287 წელს დაიწყო და ძალიან საინტერესოდაც. ლეგენდის თანახმად, იაპონიის მმართველს შვილი არ უჩნდებოდა, არადა მისი ერთადერთი ოცნება ბევრი შვილის ყოლა იყო. მკურნალობის მიუხედავად, მმართველი ნანატრ ოცნებას ვერ ეღირსა. რამდენიმე წლის შემდეგ კი, უცნობმა ქალმა სასახლეში სასმელი მიიტანა და ცოლ-ქმარს დაალევინა. ზუსტად 9 თვის თავზე, დედოფალს ვაჟი შეეძინა და მას სახელად "სულ” დაარქვეს. ეს სიტყვა იაპონურად ცეცხლსა და წყალს ნიშნავს. მმართველმა უცნობი ქალბატონი მოძებნა, იგი გულუხვად დააჯილდოვა და სასმელის რეცეპტი გამოართვა. ცოტა ხანში მან სასმელის კეთებას მიჰყო ხელი და სასმელს "სოჯუ” უწოდა. არავინ იცის ეს ლეგენდა მართალია თუ არა, თუმცა ფაქტია, რომ "სოჯუ” დღესაც ერთ-ერთ ყველაზე განსაკუთრებულ ალკოჰოლურ სასმელად მიიჩნევა იაპონიაში. მე-13 საუკუნიდან იაპონიაში "სოჯუს” აქტიური წარმოება დაიწყო, თუმცა ამ სასმელის რეცეპტი კარგა ხანს გასაიდუმლოებული იყო და მაღალი ფენის გარდა მისი დაგემოვნების საშუალება არავის ჰქონდა. მხოლოდ მე-18 საუკუნეში გავრცელდა "სოჯუს” შემადგენლობა, არამარტო იაპონიაში, არამედ სხვა ქვეყნებშიც. მისი გასინჯვა სხვადასხვა ქალაქებში დღესაცაა შესაძლებელი, თუმცა სახელწოდება, რა თქმა უნდა, ყველგან განსხვავებული აქვს. 1886 წელს, იაპონიამ, როგორც იქნა, მოიპოვა მისი წარმოების ექსკლუზიური უფლება. შემადგენლობა კი ძალიან მარტივია, იგი წყლისგან, სხვადასხვა ხის ქერქის არყისგან და შაქრის ლერწმისგან შედგება.

წყარო: avtoradio.ge