სისხლიანი მერი

კოქტეილ "სისხლიანი მერის” წარმოშობის ისტორია დღემდე გაურკვეველია და საკმაოდ ბევრი ვერსიაც არსებობს. როგორც ამბობენ, 1920 წელს, ფერნანო პეტოიტმა პარიზის ერთ-ერთ ბარში შემთხვევით გამოიგონა ეს სასმელი. მეორე ვერსია კი ის გახლავთ, რომ 1939 წელს, ჯორჯ ჯესელმა ჟურნალში "ეს ნიუ-იორკია” გამოაქვეყნა სასმელის რეცეპტი, რომელსაც შემდგომ "სისხლიანი მერი” ეწოდა. ზოგი ამტკიცებს, რომ ჯესელმა პეტიოტის რეცეპტი მიითვისა. ერთ-ერთი ვერსიის თანახმად, ეპითეტი "სისხლიანი მერი” ისტორიულ დეტალებს უკავშირდება, კერძოდ, ინგლისის დედოფალ მერის. დედოფლის საყვარელი სასმელი რომისგან მზადდებოდა, მისი რეცეპტი კი თავად მერის ეკუთვნოდა. 1934 წელს პეტიოტმა რომი არყით შეცვალა, მას ტომატის წვენი დაუმატა და დედოფლის საპატივსაცემოდ ყველასთვის კარგად ცნობილი სახელი დაარქვა. კოქტეილმა განსაკუთრებულ პოპულარობას 1960 წელს მიაღწია, მას შემდეგ, რაც ჩიკაგოს ერთ-ერთ ბარში, უცნობმა ბარმენმა მისი წარმოება დაიწყო. თუმცა როგორც სასმელების ექსპერტები ამტკიცებენ, სასმელის წარმოშობის და სახელწოდების ისტორია საკმაოდ ბანალურია. მათი აზრით, კოქტეილს "სისხლიანი მერი” მხოლოდ და მხოლოდ მისი ფერის გამო შეარქვეს.

წყარო: avtoradio.ge