შქმერული

მასალა:

წიწილა 1ც. (300-400გ)

ნიორი  7 კბილი

ვაშლის ან ღვინის ძმარი  3-4 ს/კ.

ერბო  100გრ.

ხმელი ქინძი  1 ჩ/კ.

ნაღები 200მლ.

დაფქვილი შავი პილპილი და მარილი გემოვნებით.

მომზადება:

მთლიანი წიწილა გავჭრათ, მოვაყაროთ მარილი, დავასხათ ძმარი და გავაჩეროთ 1 საათი. შესაკაზმად 4 კბილი ნიორი დავნაყოთ, დავამატოთ წიწაკა, ქინძი, მარილი, ძმარი და კარგად ავურიოთ. აღნიშნული მასა თანაბრად წავუსვათ წიწილას როგორც შიგნიდან ისე გარედან. შევწვათ წიწილა გაცხელებულ ერბოში, სპეციალურ ქვაბში (ან ტაფაზე). ორივე მხრიდან. დარჩენილი 3 კბილი ნიორი წვრილად დავჭრათ და შევწვათ ცხიმში, რომელიც დარჩა ქვაბში წიწილას შეწვის შემდეგ.ქვაბში ჩავასხათ ნაღები, კარგათ ავურიოთ, გავაცხელოთ, მოვაყაროთ მარილი, წიწაკა და გადმოვდგათ გაზქურიდან. მომზადებული მასა მოვასხათ შემწვარ წიწილას.