შეკეცილი
ცომი:
არაჟანი 200გრ.
ერბო 200გრ.
პურის ფქვილი 250გრ.
მარილი 1 მწკივი.
შიგთავსი:
კარტოფილი 500გრ.
ჭარხლის ფოთლები 500გრ.
ნახევრად უმარილო ყველი (რბილი) 500გრ.
შიგთავსის მომზადება:
ყველი დავჭყლიტოთ, კარტოფილი მოვხარშოთ ნახევრად, მოვაყაროთ მარილი,
დავჭყლიტოთ და შევურიოთ ყველის ნახევარი. ჭარხლის ფოთლები წვრილად დავჭრათ,
მოვაყაროთ ცოტა მარილი, გავაჩეროთ 30–40 წუთი, გავწუროთ და შევურიოთ დარჩენილ
ყველს.
ცომის მომზადება:
ფქვილი და ერბო ავურიოთ, დავამატოთ არაჟანი, მოვაყაროთ მარილი და
მოვზილოთ გლუვი ცომი. ცომი მოვათავსოთ საყინულეში 1 საათი. გაცივებული ცომი
დავჭრათ ნაჭრებად, თითოეული გავაბრტყელოთ კვადრატისებურად, თითოეული ცომის
(კვადრატის) ნახევარზე მოვათავსოთ კარტოფილის ან ჭარხლის ფოთლების შიგთავსი,
დავაფაროთ ცომის მეორე ნახევარი და გვერდები გადავახვიოთ. (ეს ყველაფერი გავაკეთოთ
სწრაფად რათა ცომი არ გათბეს). შეკეცილი მოვათავსოთ ცხიმწასმულ გამოსაცხობ ფორმაზე
და გამოვაცხოთ 20–30 წუთის განმავლობაში 250–280 °С ტემპერატურაზე.
|
