სასარგებლო რჩევები დიასახლისებს

ლობიო უამრავი ჯიშისაა...თუ ამოლესილ ლობიოს აკეთებთ, წითელი შეარჩიეთ, მოსახრაკად კი გურული ლობიო სჯობს.

·  ხარისხიანი კომბოსტო მრგვალია, თეთრი, ოდნავ მომწვანო, ფოთლები ერთმანეთზე მჭიდროდაა მიკრული.

· კარტოფილს თხელი კანი უნდა ჰქონდეს. ახალგაჭრილი კარტოფილის ნაჭრები ერთმანეთს წაუსვით. თუ აქაფდა, კარტოფილი კარგი ხარისხისაა.

. რძე შესამოწმებლად გამჭვირვალე ქილაში ჩაასხით, უკან ანთებული სანთელი მიუდგით და ქილაში გაიხედეთ, თუ რძე წყალნარევი არ არის, ანთებული სანთელი არ გამოჩნდება.

· ქვაბი ცეცხლზე მეტისმეტად დიდხანს არ გააჩეროთ. კერძს 2-3 დღის სამყოფს ნუ მოამზადებთ, რადგან გაცხელებისას მასში არსებული ვიტამინები იშლება და კერძი უფასურდება.

· ვიტამინებს შლის ტუტეც, ამიტომ კერძის მომზადებისას ქვაბში ნუ ჩაყრით სოდას.

· წვნიანის მომზადებისას ბოსტნეული ადუღებულ წყალში ჩაყარეთ.

· ხილი და ბოსტნეული ფრთხილათ გაასუფთავედ-ვიტამინები უმთავრესად ზედა ფენაშია თავმოყრილი, ეცადეთ, ნაფცქვენს არ გააყოლოთ.

· ხილიცა და ბოსტნეულიც უმჯობესია კანიანად მოხარშოდ და მერეღა გაფცქვნათ.

· თუ კარტოფილს ცხიმში წვავთ, უმჯობესია მაღალი ტემპერატურიდან დაიწყოთ.

· ბოსტნეული ქვაბში ჩაყრის წინ დაჭერით. თუ დრო ვერ გამოზომეთ, გაფცქვნილი კარტოფილი ცივ წყალში შეინახეთ, სხვა ბოსტნეული კი-თავდახურულ ჭურჭელში.

· როცა კარტოფილს ცივ წყალში ყრით და ისე ადუღებთ, C ვიტამინის 40% იკარგება. თუ მას პირდაპირ მდუღარე წყალში ჩაყრით, მხოლოდ 10%-ს დაკარგავთ.

· საზოგადოდ, კარტოფილის მოხარშვა ორთქლზე სჯობს.

· ბოსტნეული მოსახრაკად გახურებულ ცხიმიან ტაფაზე დაყარეთ  და სწრაფად მოურიეთ. ცხიმის გარსი მას ჟანგბადის შეხებისაგან დაიცავს და ვიტამინებს შეუნარჩუნებს.

· გაზქურის ხმარებისას ბინაში საგრძნობლად იზრდება ტოქსიკური ნივთიერებების კონცენტრაცია. უკეთესია, სანამ გაზი ანთია, სარკმელი ღია იყოს. დღის განმავლობაში სამზარეულო 2-3-ჯერ გაანიავეთ გამჭოლი ქარით.

წყარო: kveba.ge