სანელებლები

თურმე პიკანტურ სანელებლებს, გარდა იმისა, რომ საჭმელს სასიამოვნო გემოს და სურნელს მატებენ, აქვთ სამკურნალო თვისებები, შეუძლიათ დაგვიცვან არა მარტო გაცივებისგან, არამედ სხვა დაავადებებისგან:

. პილპილი (შავი, სურნელოვანი) აძლიერბს ნერვულ სისტემას, ტონუსს მატებს სისხლძარღვებს, აუმჯობესებს მადას, ხელს უწყობს კუჭის წვენის გამომუშავებას. ის აღიზიანებს ლორწოვან გარსს, ამიტომ ეკრძალებათ მათ, ვისაც აწუხებს გასტრიტი, კუჭის წყლული და საყლაპავი მილის დაავადება.

. წიწაკა (წმენდს) სისხლძარღვებს, აქვეითებს სისხლის შესქელების უნარს, ხელს უშლის თრომბის წარმოქმნას. წიწაკის დამატება ხორციან და ბოსტნეულის კერძებზე სასარგებლოა მათთვის,ვისაც ჰიპერტონია და ათეროსკლეროზი აწუხებს.

. რეჰანს აქვს ანტიმიკრობული თვისებები, ასტიმულირებს, ჩვენს დამცველ უჯრედებს-ლეიკოციტებს, საჭმლის მომნელებელ ტრაქტს, აძლიერბს იმუნიტეტს. აქვს მსუბუქი შარდმდენის და სიცხის დამწევი თვისებები. მაგრამ ჰიპერტონიკებმა უნდა მიიღონ ზომიერად, რადგან რეჰანი მაღლა სწევს წნევას.

. მიხაკს ავიცენა მიიჩნევდა სამკურნალო საშუალებად. ის აუმჯობესებს საჭმლის მონელებას; ართრიტის, ნიკრისის ქარის და კბილის ტკივილის დროს აყუჩებს ტკივილს(ამ დროს შეგიძლიათ დაღეჭოთ მიხაკი), ხსნის დაღლილობას, ააქტიურებს მეხსიერებას.

. იმბირი(კოჭა) ანგინის, მწვავე რესპირატორული დაავადების დროს საუკეთესო ანტისეპტიკია. გრიპის ეპიდემიის დროს კარგია მიიღოთ მირინადში ჩადებული 2 პატარა ნატეხი კოჭა. ის ააქტიურებს კუჭის მუშაობას. შველის ზღვის დაავადებას(პირღებინებას), ხსნის გულისრევის შეგრძნებას, აქვს შარმდენი თვისება, ააქტიურებს ნივთიერებათა ცვლის პროცესს, კვებავს კანს. უკუჩვენება აქვს ღვიძლისა და ნაღვლის ბუშტის ანთებისა და წყლულის გამწვავების დროს.

. თავშავა ხსნის სპაზმებს, შველის თავისა და კუჭის ტკივილს, აცხრობს ქავილს და ტკივილს ღრძილების ანთებისა და ქრონიკული პაროდონტოზის დროს. აუმჯობესებს კანის ტონუსს, ააქტიურებს ცხიმის ცვლას.

. დარიჩინი აფართოებს ბრონქებს, ასტიმულირებს სუნთქვით ფუნქციებს. ასე რომ, ხველების დროს მისწრებაა დარიჩინით შენელებული ცხელი კაპუჩინო. შველის სპაზმებითა და დაძაბულობით გამოწვეულ თავის ტკივილს.

წყარო: kveba.ge