საქონლის ხორცის ბულიონი ნივრით

მასალა:

საქონლის ხორცი (მკერდის ნაწილი)1კგ.

სტაფილო 2ც.

ხახვი 1–2ც.

დაფნის ფოთოლი 2ც.

ნიორი 2-3 კბილი

ოხრახუში, ნიახური, კამა, შავი პილპილი და მარილი გემოვნებით.

მომზადება:

საქონლის ხორცი გავრეცხოთ, დავჭრათ საშუალო ზომის ნაჭრებად, მოვათავსოთ ქვაბში, დავასხათ 2 ლიტრი წყალი, დავუმატოთ გარჩეული მთლიანი ხახვი, რამოდენიმე ძირი ოხრახუში და ნიახური, მოვაყაროთ მარილი, წიწკა და ვხარშოთ 20–30 წუთის განმავლობაში, დროდადრო ქაფი მოვხადოთ. სტაფილო გავრეცხოთ, გავასუფთავოდ, დავჭრათ მრგვალად, ხორცი ამოვიღოთ ბულიონიდან. ბულინოში ჩავყაროთ დაჭრილი სტაფილო, დაფნის ფოთოლი და ვხარშოთ სტაფილოს მოხარშვამდე დაახლოებით 20–25 წუთი, შემდეგ ბულიონი გადმოვდგათ გაზქურიდან, დავუმატოთ წვრილად დაჭრილი მწვანილი, დავაფაროთ თავზე და გავაჩეროთ 10–15 წუთი. ნიორი გავატაროთ და მოვაყაროთ მარილი. სუფრაზე ბულიონი გავიტანოთ შემდეგნაირად: თეფშზე მოვათავსოთ ხორცის ნაჭერი, მოვასხათ ბულიონი და თეფშის ცენტრში მოვათავსოთ ½ გატარებული ნიორი.