რულეტები ლორით ყველითა და ნივრით

მასალა:

ლორი 300გრ.

მდნარი ყველი  2ც. ან მაგარი ყველი (200გრ.)

მოხარშული კვერცხი   3ც.

ნიორი  2 კბილი

მწვანილი და მაიონეზი გემოვნებით.

მომზადება:

თუ ლორი არ არის დაჭრილი თხლად დავჭრათ. მოხარშული კვერცხის გული და ცილა ერთმანეთისგან განვაცალკევოთ. ცილა გავხეხოთ. კვერცხის გული უფრო წვრილნასვრეტებიან სახეხზე გავატაროთ. მდნარი ყველი დიდნასვრეტებიან სახეხზე გავხეხოთ.  მწვანილი გავრეცხოთ, გავაშროთ, დავჭრათ. ნიორი გავასუფთავოთ და დავჭყლიტოთ. გახეხილი ყველი, კვერცხის გული, მწვანილი და ნიორი ერთმანეთს შევურიოთ. დავამატოთ მაიონეზი და კვლავ კარგად ავურიოთ. ლორის კიდეზე დავდოთ 1სუფრის კოვზისოდენი შიგთავსი და რულეტივით გადავახვიოთ. თითოეული რულეტი მაიონეზში დავასველოთ ორივე ბოლოთი და შემდეგ გახეხილ კვერცხის გულშიც ამოვავლოთ. რულეტები თეფშზე დავალაგოთ და მოვრთოთ მწვანილით.