როზმარინი

როზმარინი (ლათ. Rosmarinus) – მცენარეთა გვარი ტუჩოსანთა ოჯახისა. მარადმწვანე მცენარე, რომელიც გამოიყენება როგორც კულინარიაში, ასევე პარფიუმერიასა და მედიცინაში. თავისი არომატით როზმარინი მოგვაგონებს ფიჭვს. აქვს ოდნავ ცხარე გემო. სანელებლის სახით იყენებენ მცენარის ფოთლებს როგორც მშრალ, ასევე ნედლ მდგომარეობაში. შედარებით მცირე რაოდენობით იხმარება ბოსტნეულისგან მომზადებულ კერძებში, უფრო მეტად ეხამება შემწვარ ხორცსა და თევზს.