რაჭული ლორი

ღორის ხორცს ვჭრით 2 ნაწილად და ვამარილებთ, ვაჩერებთ 10 დღე ერთმანეათზე დაწყობილს. ხორცს არ ვაცლით ტყავს. 10 დღის შემდეგ ხორცს მარილი კარგად გაუჯდება.ამის შემდეგ ვკიდებთ შუა ცეცხლზე და გამოვაშრობთ. გამოშრობას 3 კვირა მაინც უნდა. ასე მზადდება ლორი. თუ გვინდა მივირთვათ უნდა მოვხარშოთ კარგად. როგორც ღორის ხორცს ისე ქათმის, ბატის და იხვის ლორი გამოყავთ რაჭველებს. რაც არა ნაკლებ უგემრიელესია.

დაკლავენ ღორს, გადაავლებენ მდუღარე წყალს ან ჩადებენ მდუღარე წყლიან დიდ გობში და გაფუფქავენ ე.ი. გააცლიან ბეწვს (ჯაგარს). გაასუფთავებენ და დააყენებენ მუცელზე ე.ი. დააღორებენ. აიღებენ ზურგის ძვალს (დაკვლის დროს თავს მოაჭრიან, ზურგის ძვალი იწყება კისრიდან კუდის ჩათვლით. დაახლოებით ოთხი თითის სიგანის და დაკიდებენ). შემდეგ ზურგზე დააყენებენ და გაჭრიან მუცელზე. ამოაგდებენ მთელ შიგანს გულღვიძლის ჩათვლით. ამოასუფთავებენ და აჭრიან ორ ფელიკად. დაამარილებენ თბილი მარილით, ისე, რომ არ დარჩება მარილის გარეშე არც ერთი ნაწილი. სახსრებს წინასწარ გადაუხსნიან, რომ მარილი იქაც მოხვდეს. დააწყობენ ასე მარილინ ფელიკებს ერთმანეთზე და 8-10 დღის შემდეგ ჩამოკიდებენ ჩამოსაშრობად ღუმელთან ახლოს. 3-4 დრის შემდეგ გაიტანენ სპეციალურ სათავსოში სადაც შესაძლებელი იქნება კვამლში გამოყვანა და უნთებენ ისეთნაირ ცეცხლს, რომ კვამლი გამოიყოს და ხორცს მოხვდეს. უმჯობესია-მზიან ადგილში მოჭრილი შეშის კვამლი; დღისით კვამლი უნდა ექნეს ღამით ყინვა. ორი კვირის შემდეგ ლორი მზადაა.