ყვავილოვანი კომბოსტოს ჩახოხბილი

მასალა:

ყვავილოვანი კომბოსტო 1 კგ.

პომიდორი 500 გრ.

ხახვი 3-4 თავი

ნიორი 2-3 კბილი

ერბო 100 გრ

ოხრახუში, ქინძი, დაფქვილი  წიწაკა და მარილი გემოვნებით.

მომზადება:

კომბოსტო გავრეცხოთ, დავჭრათ სასურველ ზომებად, მოვხარშოთ მარილიან წყალში ნახევრად და გადმოვიღოთ დუშლაგზე. ხახვი დავჭრათ წვრილად, შევწვათ ერბოში, დავამატოთ მომზადებული კომბოსტო, კუბიკებად დაჭრილი პომიდორი, დანაყილი ნიორი, წვრილად დაჭრილი მწვანილები, მოვაყაროთ მარილი, წიწაკა და კარგად ავურიოთ. ვთუშოთ თავდახურულ მდგომარეობაში 15 წუთი. მომზადების შემდეგ თავზე მოვაყაროთ დაჭრილი მწვანილი.