ფეტვის კატლეტი

მასალა:

ფეტვი 2 ჭიქა

წყალი ან რძე 5 ჭიქა

შაქარი 1 ს/კ.

მარილი 1 ჩ/კ.

დაფქვილი ორცხობილა (სუხარი) ან ფქვილი 0,5 ჭიქა.

კარაქი შესაწვავად.

მომზადება:

წყალი ან რძე ჩავასხათ ქვაბში, დავდგათ გაზქურაზე და როდესაც ადუღდება დავამატოთ მარილი, შაქარი და გარეცხილი ფეტვი. ვხარშოთ დაბალ ტემპერატურაზე 20–30 წუთი, ხშირად ვურიოთ. ამის შემდეგ ქვაბი გადმოვდგათ გაზქურიდან და გავაჩეროთ რამოდენიმე ხანი, სანამ არ გაცივდება. შემდეგ ხელები დავისველოთ ცივი წყლით, მომზადებული მასისგან გავაკეთოთ პატარა ბურთები და ამოვავლოთ ორცხობილაში ან ფქვილში. შევწვათ კარაქში ორივე მხრიდან ტაფაზე. სუფრაზე კატლეტი შეგვიძლია მივიტანოთ კისელთან, არაჟანთან, კარაქთან ან რძის სოუსთან ერთად.