ომბალო
ომბალო
(Mentha pulegium) მრავალწლოვანი
ბალახოვანი
მცენარეა.
მიეკუთვნება
ტუჩოსანთა
ოჯახს. ღერო სწორმდგომია, ოდნავ შებუსული, ოთხწახნაგოვანი .სიმაღლით 50 სმ აღწევს.
ფოთოლი მუქი მწვანეა, მომრგვალო ან მოგრძო-ოვალური. ომბალოს სამშობლოა ხმელთაშუა ზღვის სანაპიროები. საქართველოში ველური ფორმა თიტქმის ყველა რაიონში გვხვდება. შეტანილია კულტურაში. საქართველოში ყველგან აშენებენ და ფრიად
პოპულარულია.დიდი რაოდენობით შეიცავს ეთერზეთებს. კრეფენ ყვავილობისას, რადგან ამ დროს ეთერზეტების შემცველობა მაქსიმალურია.მრავლდება თესლითა და ვეგეტატიურად.ამჯობინებს ჭარბტენიან ნიადაგებს. ყინვაგამძლეა.კულინარიაში იყენებენ ნედლად და გამხმარს.
ტუჩოსანთა
ოჯახში შედის. მრავალწლიანი
10-15 სმ სიგრძის აღმამდგომი ან მიწაზე გართხმული, ორწახნაგოვანი ღეროებიანი, ფესვურიანი მცენარეა. მოკლეყუნწიანი,
8-30 მმ სიგრძისა და 5-12 მ სიგანის, კვერცხისებრი ან ოვალური, ბეწვებით შებუსვილი ფოთლები ღეროზე ერთიმეორის პირისპირაა განლაგებული. მოვარდისფრო-მოიისფრო, ზოგჯერ თეთრი ყვავილები ფოთლების იღლიებში ჩხრო ყვავილედებადაა შეკრებილი, რომელთა ჯამი 3 მმ-დე სიგრძისაა და ბანჯგვლიანი, ქვედა ტუჩი 2 სადგისისებრი, ზედა 3 ლანცეტა ძირგანიერი სამკუთხისებრი კბილებით. ყვავის ივლისში, მრავლდება თესლით და ბუჩქის დაყოფით (ვეგეტაციურად). იზრდება ტყიანი ზონის მდინარეთა სანაპიროებზე, საერთოდ კი ნესტიან ადგილებში. გვხვდება ძირითადად აფხაზეთში, სამეგრელოში, იმერეთში, აჭარაში, გურიაში, რაჭაში, ლეჩხუმსა და სვანეთში. ხმელი ფოთლები 2 პროცენტამდე, მთლიანად ნედლი მიწის ზედა ნაწილები კი 0,12-0,7 პროცენტ ეთერზეთს შეიცავს, რომლის შემადგენლობის
99-პროცენტამდე
ნაწილ პულეგონსა და ლიმონენზე მოდის. ზეთი გამოიყენება პარფიუმერიაში, საკონსერვო და საკონდიტრო წარმოებაში სასმელების, ჩაის და ძმრის არომატიზირებისთვის.
შესანიშნავი
ბალახია შეჭამანდებისათვის,
განსაკუთრებით
პოპულარობით
სარგებლობს
ტყემლის საწებლისათვის. ხალხური მედიცინა იყენებს ჭრილობის შემახორცებელ და ანტისპაზმურ, აგრეთვე ყივანახველის, ასთმის და ისტერიის დროს დამაწყნარებელ საშუალებად. ყველა ამ შემთხვევაში რაჭაში ამ ბალახის წყლიან ნაყენს იყენებენ. გარდა აღნიშნულისა, ომბალო შესანიშნავია იმითაც, რომ მისი სურნელი აფრთხობს რწყილებს.
წყარო:
ecopharm.sangu.ge
|
