ნივრის მწნილი

მასალა:

ნიორი სურვილისამებრ

მარილი და ხმელი კამა გემოვნებით.

მომზადება:

მწნილისთვის საჭიროა ნედლი ნიორი, რომელსაც გარეთა კანის ფურცლები ჯერ ნედლი აქვს და კბილები კარგად ჩამოყალიბებული. ნიორი გავარჩიოთ, მოვაძროთ კანის ერთი ფენა, თუ დაზიანებული ადგილი აქვს, მოვაჭრათ, გავრეცხოთ კარგად. ნიორი ჩავდოთ ქილაში, დავასხათ წყალი, ეს წყალი მაშინვე გადმოვასხათ რაიმე ჭურჭელში, ჩავყაროთ 1ჩ.კ. მარილი, მოვურიოთ, რომ მარილი გაიხსნას და ისევ დავასხათ ნიორს. ქილა დავდგათ მზის გულზე და გავაჩეროთ ერთი კვირა. ერთი კვირის შემდეგ, წყალი გადავაქციოთ, ნიორი გავრეცხოთ (ნივრის გადმოყრა ქილიდან არ არის საჭირო, ქილაშივე შეიძლება გაირეცხოს გამდინარე წყლით) და ისევ ისე დავასხათ ახალი მარილწყალ. დავდგათ მზის გულზე და გავაჩეროთ ერთი კვირა. ასე გავიმეორებთ კიდევ ერთხელ (სულ სამჯერ არის საჭირო) სამი კვირის შემდეგ, ნიორს გავრეცხავთ კარგად (ისევ ქილაში) დავასხავთ იგივე მეთოდით წყალს და ამ წყალში ჩავყრით 3 სუფრის კოვზ მარილს, თავზე დავადებთ ხმელი კამის პატარა ტოტს, დავაფარებთ სახურავს და შევინახავთ გრილად.