ნიგვზით ფარშირებული კვერცხი

მასალა:

კვერცხი 10ც.

ნიგოზი  3 / 4 ჭიქა

ნიორი 2-3 კბილი

უცხო სუნელი 1 ჩ/კ.

ზაფრანა 1 ჩ/კ.

მწვანე სალათის ფოთოლი

ვაშლის ძმარი, ნედლი ქინძი, დაფქვილი წითელი წიწაკა და მარილი გემოვნებით.

მომზადება:

კვერცხი მოვხარშოთ, გავარჩიოთ, გავჭრათ სიგრძეზე და ამოვაცალოთ გულები. ნიგოზი გავატაროთ, დავამატოთ კვერცხის გულები, დანაყილი ნიორი და ქინძი , მოვაყაროთ უცხო სუნელი, ზაფრანა, წიწაკა, მარილი, მოვასახათ ძმარი და კარგად ავურიოთ. მომზადებული შიგთავსით ამოვავსოთ კვერცხის ნაჭრები. გავაფორმოთ სალათის ფოთლებით და დაჭრილი მწვანილით.