მწვანე სუპი ძროხის ხორცით

მასალა:

ძროხის ხორცის რბილობი (მხრის, უკანა ფეხი) 1კგ.

ხახვი 2–3 თავი

ისპანახი 100გრ.

მჟაუნა 100გრ.

ნიახური და ოხრახუში 100გრ.

კვერცხი 2–3ც.

შავი პილპილი და მარილი გემოვნებით

მომზადება:

ძროხის ხორცი დავჭრათ საშუალო ზომის ნაჭრებად, ჩავაწყოთ წყალში, დავასხათ 2,5ლ. წყალი და დავდგათ გაზქურაზე დაბალ ტემპერატურაზე, ავადუღოთ, მოვუმატოთ ტემპერატურას და ვხარშოთ ხორცის დარბილებამდე, 2–2,5 საათი, ხარშვის პროცესში განუწყვეტლივ მოვხადოთ ქაფი. ხახვი, მჟაუნა, ოხრახუში დავჭრათ წვრილად და როცა ხორცი მოიხარშება დავამატოთ ქვაბში. ნიახური და ისპანახი ჩავაწყოთ ცალკე ქვაბში დავასხათ ცხელი წყალი, დავდგათ გაზქურაზე და ვხარშოთ დაბალ ტემპერატურაზე ფაფისებური ფორმის მიღებამდე, დაახლოებით 20 წუთი, შემდეგ გადმოვიღოთ დუშლაკზე და დავუმატოთ ხორცს, მოვაყაროთ მარილი, წიწაკა, ავურიოთ, ვხარშოთ დაბალ ტემპერატურაზე 15 წუთი. მომზადების შემდეგ ჩავაწყოთ მოხარშული რამოდენიმე ნაჭრად დაჭრილი კვერცხი.