მწვანე პომიდორი ნიგვზის სოუსით

მასალა:

მწვანე პომიდორი  1კგ.

ნიგოზი  2 ჭიქა

ხახვი  2-3ც.

ნიორი  2-3 კბილი

ქინძი, ოხრახუში, კამა, ქონდარი, ვაშლის ძმარი, დაფქვილი წიწაკა, უცხო სუნელი, ზაფრანა და მარილი გემოვნებით.

მომზადება:

პომიდორი გავრეცხოთ, დავჭრათ საშუალო ზომის ნაჭრებად, დავასხათ ადუღებული წყალი, გავაჩეროთ 3 წუთი, შემდეგ გადმოვყაროთ დუშლაკზე და გამდინარე წყალში შევუშვიროთ. სოუსისთვის ნიგოზი და ნიორი გავატაროთ, დავუმატოთ წვრილად დაჭრილი მწვანილები, ხახვი, მოვაყაროთ სუნელები, წიწაკა, მარილი და მოვასხათ ძმარი. სასურველ ჭურჭელზე მოვაწყოთ სალათის ფოთლები, ფენა–ფენა დავაწყოთ პომიდორი და თითოეულ ფენას მოვასხათ სოუსი. გავაფორმოთ მწვანილით და მრგვალად დაჭრილი ხახვით.