მწვანე ლობიო - ზეთში მოხრაკული (ზამთრისათვის)

მასალა:

მწვანე ლობიო  5 კგ.

ზეთი  1 ლიტრი

ხახვი  2 კგ.

პამიდორი  2,5 კგ.

მწვანილი  200გრ.

წიწაკა, ნიორი, მარილი - გემოვნებით.

მომზადება:

ლობიო გავარჩიოთ, გავრეცხოთ და გავშალოთ, რომ კარგად გაშრეს. ქვაბში ჩავასხათ ზეთი, დავაყაროთ გამშრალი მწვანე ლობიო და ვშუშოთ მოხარშვამდე. ცალკე მოვხრაკოთ ხახვი ზეთში. საღი, გადარჩეული პამიდორი გავრეცხოთ, გავაცალოთ კანი, დავჭრათ, დავაყაროთ ხახვს და ვშუშოთ. დაჭრილი ყველანაირი მწვანილი შევურიოთ მოხრაკულ ლობიოს და გავაგრძელოთ მოშუშვა; შევკაზმოთ მარილით, წიწაკით, ცხელივე ჩავდოთ მინის ქილებში, გავუკეთოთ სტერილიზაცია არანაკლებ ნახევარი საათისა და მოვხუფოთ თუნუქის სახურავებით.