მთიულური ხინკალი

მასალა:

ცომი:

პურის ფქვილი 1,5კგ.

მარილი გემოვნებით.

შიგთავსი:

საქონლის  ხორცი 1კგ.

ღორის ფარში 500გრ. 

ხახვი 2 თავი

წიწაკა და მარილი გემოვნებით.

მომზადება:

ფქვილს დავამატოთ მარილი, წყალი და კარგად მოვზილოთ (ცომი უნდა მოვზილოთ მაგარი), მომზადებული ცომი გავაბრტყელოთ, ჭიქით გამოვჭრათ რგოლები და ისინიც გავაბრტყელოთ. თითოეულ ცომზე მოვათავსოთ მომზადებული შიგთავსი და შევახვიოთ. ხინკლები ჩავყაროთ ადუღებულ მარილიან წყალში. როცა ყველა ხინკალი ამოტივტივდება, ვადუღოთ კიდევ 5 წუთი. შემდეგ ამოვიღოთ სასურველ ჭურჭელზე.

შიგთავსის მომზადება:

ცხელ წყალში ჩავყაროთ მარილი, ჩავაგდოთ მწარე წიწაკა და გავაჩეროთ სანამ წყალი გაგრილდება (თბილი გახდება). ჯამში ავურიოთ საქონლისა და ღორის ფარში და გატარებული ხახვი. გავაზაოთ ზემოთ მომზადებული წიწაკიანი მარილ-წყლით.