მოხარშული კარტოფილი ნიგვზით

მასალა:

კარტოფილი 1კგ.

ნიგოზი 100გრ.

ხახვი 3–4 თავი

ნიორი 1–2 კბილი

ძმარი 2–3 ს/კ.

უცხო სუნელი 1 ჩ/კ.

იმერული ზაფრანა 1 ჩ/კ.

ქინძი 1 კონა

პილპილი და მარილი გემოვნებით.

მომზადება:

მარილწყალში მოვხარშოთ კანგაცლილი კარტოფილი, გავაცივოთ, დავჭრათ წვრილ ნაჭრებად და ხელით შევაზილოთ დანაყილი ნიგოზი, ნიორი, მოვაყაროთ უცხო სუნელი, იმერული ზაფრანა, წვრილად დაჭრილი ქინძი, ალყა-ალყად დაჭრილი ხახვი, დავამატოთ პილპილი, მარილი, მოვასხათ ძმარი და კარგად ავურიოთ.