მესხური (ჩიხირთმა)

მასალა:

ქათამი 1ც.

კვერცხი 5–6ც.

ხახვი 5 თავი

ფქვილი 1 ს/კ.

ძმარი 2 ს/კ.

ყვითელი ყვავილი 1 ჩ/კ. (სურვილისამებრ)

ქინძი და მარილი გემოვნებით.

მომზადება:

მოხარშულ ქათამს დავჭრით, 5 თავ დაჭრილ ხახვს მოვუწვავთ თავის ნახარშში, დავდგამთ ნელ ცეცხლზე, სანამ ადუღდებოდეს, ხუთ-ექვს კვერცხს გავტეხთ, გულს გავთქვიფავთ, დავუმატებთ 2 სუფრის კოვზ ძმარს და ერთ სუფრის კოვზ ფქვილს ჩავურევთ და კარგად გავთქვიფავთ. (სურვილისამებრ ზაფრანა (ყვითელი ყვავილი) - 1 ჩაის კოვზი). დუღილში კვერცხს მოვასხამთ და თან კოვზით ვურევთ, სისქე და გემო რომ მიეცემა, გადმოვდგამთ ცეცხლიდან, დაახლოებით ნახევარი ჭიქა წვრილად დაჭრილ ქინძს დავაყრით ზევიდან და მოვურევთ.