მეგრული ხაჭაპური

მასალა:

1კგ. ფქვილი

30-50გრ. საფუარი

2 ჩ/ჭ. წყალი ან რძე

5 ს/კ. ცხიმი

3-4ც. კვერცხი ცომისთვის

1კგ. ყველი

2-3ც. კვერცხი შიგთავსისთვის.

მომზადება: 

გავათბოთ წყალი ან რძე, გავხსნათ შიგ საფუარი, დავუმატოთ კვერცხი, ფქვილი და მოვზილოთ ცომი, შევაზილოთ ცხიმი, შემდეგ მოვაყაროთ ცოტა ფქვილი და დავდგათ თბილ ადგილას 3-4 საათი. დავფშვნათ ყველი, დავუმატოთ კვერცხი და ცოტაოდენი ცხიმი. გავაბრტყელოთ ცომი, მივცეთ მრგვალი ფორმა, მოვათავსოთ ზედ ყველის მასა, მოვუკარათ პირი, გავაბრტყელოთ, ზემოდან წავუსვათ ათქვეფილი კვერცხის გული, მოვაყაროთ წვრილად დაფშვნილი ან მოვაწყოთ დაჭრილი ყველის ნაჭრები. შევდგათ გასქურაში და გამოვაცხოთ.