მანჰეტენი: სიყვარულის კოქტეილი

პოპულარული ამერიკული კოქტეილი "მანჰეტენი” 1870-იან წლებში, ნიუ-იორკის კლუბ "მანჰეტენში” გამოიგონეს, უინსტონ ჩერჩილის დედის, ლედი რენდოლფ ჩერჩილის მიერ მოწყობილ ბანკეტზე. საღამოს წარმატებამ, სასმელის პოპულარობაზეც იქონია გავლენა. რაც შეეხება სახელწოდებას, სწორედ კლუბის საპატივსაცემოდ დაარქვეს "მანჰეტენის კოქტეილი”. მოგვიანებით კი მხოლოდ სახელი "მანჰეტენი” დარჩა. სულ ცოტა ხანში კოქტეილი იმდენად პოპულარული გახდა, რომ მისი სხვადასხვა ვარიენტებიც მოიგონეს. ”მანჰეტენს” განსაკუთრებით მაღალი წრის, მდიდარი ქალბატონები ეტანებოდნენ. სასმელს სპეციალურად დამზადებულ ბრილიანტისა და ოქროს ჭიქაში ასხამდნენ და სწორედ ჭურჭელი აძლევდა მას საკმაოდ დიდ ფასს. ამბობენ, რომ ფრენკ სინატრა სწორედ ამ ჭიქიდან სვამდა ცნობილ კოქტეილს. "მანჰეტენს” მრავალ ფილმსა თუ ტელეგადაცემაში იყენებდნენ. მაგალითად, ფილმში "სექსი დიდ ქალაქში”, ”ფულის ფერში”, აგრეთვე მულტფილ "სიმფსონებში”, რამაც საკმაოდ დიდი სკანდალი გამოიწვია, რადგან მულტიპლიკაციურ ფილმში ალკოჰოლური სასმელის გამოყენება აკრძალული იყო. თუმცა ეს კოქტეილის პოპულარობაზე რა თქმა უნდა დადებითად აისახა და მის მიმართ მოთხოვნა ერთი-ორად გაიზარდა. დღეისათვის კოქტეილი "მანჰეტენი” სიყვარულის კოქტეილადაა აღიარებული.

წყარო: avtoradio.ge