მანდარინის მურაბა

მასალა:

1 კგ. მანდარინი

1 კგ. შაქარი.

მომზადება:

ვიღებთ 1 კგ. მანდარინს, გავრეცხავთ, გავამშრალებთ, დავჩხვლეტთ ჩანგლით გარშემო და ჩავყრით მდუღარეში ცოტა ხნით, მოსათუთქად და სიმწარის გასასვლელად. მერე ამოვიღებთ და საწურზე გავაჩერებთ. ამასობაში მოვადუღებთ 1 კგ. შაქარს+1 ჭ. წყალი - სიროფი, ჩავყრით შიგ ამ მანდარინებს და გავაჩერებთ დაბალ ცეცხლზე 15-20 წუთით. მერე გამოვრთავთ, ვაცდით შეგრილებას. ასე მოვიქცევით კიდევ 2-3-ჯერ, წვენი უნდა შესქელდეს. სულ ბოლოს ჩავაწურავთ 1 ლიმნის წვენს და გაციებულს ჩავასხამთ ქილებში.

მანდარინის მურაბა (2)

მასალა:

1 კგ მანდარინი,

700 გ შაქარი,

150 მლ წყალი.

მოზადება:

გარეცხილი მანდარინი მთელი ღამით დავტოვოთ წყალში. მეორე დღეს წყალი გადავწუროთ და მანდარინი ყველა მხრიდან დავჩხვლიტოთ ჩანგლით. შაქრისა და წყლისგან მოვამზადოთ ვაჟინი, გადმოვდგათ ცეცხლიდან და შიგ მოვათავსოთ მანდარინი 8-10 საათის განმავლობაში. შემდეგ ვადუღოთ 20 წუთი და გადმოვდგათ ცეცხლიდან. ასე გავიმეოროთ  რამდენჯერმე, სანამ ვაჟინი არ ჩასქელდება, შემდეგ კი ჩავასხათ ქილებში.