მახოხი
ძველი ქართლური გლეხური
საჭმელი – მახოხი, იგივე მახოხის შეჭამანდი, დღეს ფაქტობრივად დავიწყებას არის
მიცემული. კერძი ძალზედ უბრალოა და შემადგნელების მხრივ თავადაც მიხვდებით, რომ
მახოხი მხოლოდ და მხოლოდ ღარიბ გლეხებში თუ იქნებოდა პოპულარული. ამის მიუხედავად,
ეს კერძი გასული საუკუნის არაერთ ცნობილ ქართველ მწერალსა და პუბლიცისტს აქვს
მოხსენიებული მათ ნაწარმოებებში.
მახოხი მზადება
შემდეგნაირად; ავიღოთ 1 კილოგრამი ქატო, დავასხათ 3 ლიტრი წყალი, გავაჩეროთ
სამი-ოთხი დღე. როცა შემჟავდება გავწუროთ. ცალკე მოვშუშოთ ხახვი ერბოში, დავასხათ
ეს გამოწურული წყალი, მოვუკიდოთ საფენელი (ფქვილი), წამოვადუღოთ და შევაგემოთ
ნივრით, ქინძით, წიწაკით და მარილით გემოვნებით.
მოხეური (მახოხი)
მახოხი მზადდებოდა შემდეგნაირად; მაწონს დღვებდნენ
სპეციალურ ხის ჭურჭელში, როცა კარაქი ამოვიდოდა, ამოიღებდნენ მას, დარჩენილ სითხეს
ე.წ დოს მოადუღებდნენ, შეაზავებდნენ ცოტაოდენი ქონდრით, დაუკიდებდნენ სიმინდისა და
პურის ფქვილს, მოამზადებდნენ თხელ ფაფას, გააცივებდნენ და ამ მასალას თიხის ქილაში
ჩადებდნენ. თიხის ქილას მიწაში ინახავდნენ.
|
