ლოქო ტყემლის საწებლით

მასალა:

ლოქო 1კგ. 

2 ხელისგულის სიფართე ტყემლის ტყლაპი

ქინძი 1 კონა

ნიორი, წიწაკა და მარილი გემოვნებით.

მომზადება:

ლოქო დავჭრათ, გავრეცხოთ და მდუღარე მარილწყალში მოვხარშოთ. შემდეგ ქვაბიდან ქაფქირით ამოვიღოთ, რომ წყლისაგან დაიწრიტოს და დავალაგოთ თეფშზე. სუფრაზე ცალკე მივიტანოთ ტყლაპის საწებელი.

ტყლაპის საწებლის მომზადება:

ტყლაპი დავჭრათ პატარა ნაჭრებად, დავასხათ 2 ჩ/ჭ. ნელთბილი წყალი. 2-3 საათის შემდეგ მოვსრისოთ ამავე წყალში და შევკმაზოთ დანაყილი ნივრით, წიწაკით, მარილით, წვრილად დაჭრილი ქინძით და კარგად ავურიოთ.