ლობიოს სუპი
მასალა:
ლობიო (თეთრი ან ჭრელი)250-300გრ.
ხახვი 1–2 თავი
სტაფილო 1ც.
პომიდორი 1ც.
გრძელი ბრინჯი 1/2 ჭიქა
ოხრახუში, ქინძი და კამა საშუალო კონა
დაფნის ფოთოლი 1–2ც.
ნიორი, აჯიკა და მარილი გემოვნებით.
მომზადება:
ლობიოს დავასხათ ცივი წყალი და გავაჩეროთ 8–10 საათი, შემდეგ
გადავასხათ წყალი, ჩავყაროთ ქვაბში და დავასხათ წყალი ისე რომ მთლიანად ფარავდეს
ლობიოს, ავადუღოთ, ადუღების შემდეგ გადავასხათ წყალი და კვლავ ჩავასხათ ქვაბში
წყალი პოპორციულად 1:5 და ვხარშოთ ლობიოს
დარბილებამდე. მოხარშვის შემდეგ, ლობიო ამოვიღოთ ქაფქირით, ჩავჭყლიტოთ და
ჩავაბრუნოთ ქვაბში. ხახვი დავჭრათ წვრილად შევწვათ ზეთში, დავამატოთ გახეხილი
სტაფილო და ვთუშოთ დაბალ ტემპერატურაზე, შემდეგ დავამატოთ გახეხილი პომიდორი,
ვთუშოთ 5–7 წუთი. ბრინჯი გავრეცხოთ და ჩავყაროთ ლობიოში, ვხარშოთ 20–25 წუთი სანამ
არ დარბილდება, შემდეგ დავამატოთ მოთუშული ხახვი და სტაფილო, ავურიოთ და ვხარშოთ
10 წუთი, დავამატოთ წვრილად დაჭრილი მწვანილები, აჯიკა, დაფნის ფოთოლი, გატარებული
ნიორი, მოვაყაროთ მარილი, ავურიოთ და ვხარშოთ კიდევ რამოდენიმე წუთი.
|
