ლობიოს შეჭამანდი

მასალა:

ლობიო 500გრ.

ნიგოზი გატარებული 2–3 ს/კ.

ხახვი 3 თავი

ქინძი, ქონდარი და ტარხუნდა 1–1 კონა

პილპილი და მარილი გემოვნებით.

მომზადება:

ლობიო გადავარჩიოთ, გავრეცხოთ, ჩავყაროთ ქოთანში ან ქვაბში, ზედ დავასხათ იმდენი წყალი, რომ დაფაროს, დავდგათ გაზქურაზე და მოვხარშოთ. როცა კარგად მოიხარშება ხის კოვზით ამოვზილოთ და თუ მშრალია წყალი დავამატოთ ცოტა. დავუმატოთ დანაყილი ნიგოზი და ვადუღოთ ნელ ცეცხლზე, მოვაყაროთ მარილი და კოვზით კიდევ ამოვზილოთ. ლობიო არც ძალიან თხელი უნდა იყოს და არც სქელი. შემდეგ მოვაყაროთ წმინდად დაჭრილი ქინძი, ქონდარი, ტარხუნა და სურვილისამებრ პილპილი. თუ მწვანილები არ გვაქვს, სუნელები მივცეთ და მზად არის.