ხორცის კუპატი

მასლა:

4კგ. ძროხის ან ღორის ხორცი (ან მათი ნარევი)

5-6 თავი ხახვი

200გრ. ქონი

ნაწლავი - საჭირო რაოდნობის

20-25 მარცვალი პილპილი

კოწახური და მარილი გემოვნებით.

მომზადება:

ავიღოთ გარეცხილი მსუქანი ძროხის ხორცის ან ღორის ხორცის  რბილი ნაჭერი, ან მათი ნარევი და ხახვთან ერთად ორჯერ გავატაროთ ხორცსაკეპ მანქანაში. დაკეპილი ხორცი შევაზავოთ მარილით, დანაყილი პილპილით, კოწახურით, კარგად დავზილოთ, თან ცოტა-ცოტა ხორცის ბულიონი დავასხათ, რომ ხორცი ნაზი იყოს. ავიღოთ საქონლის გამხმარი ნაწლავი, კარგად გავრეცხოთ და დავალბოთ თბილ წყალში 10-15 წუთით. განიერძირიანი ძაბრი წამოვაცვათ ნაწლავებს და შეზავებული დაკეპილი ხორცით გავტენოთ (30 სანტიმეტრი სიგრძით). თითოეული კუპატის თავი და ბოლო შევაერთოთ, ძაფებით შევკრათ და დავკიდოთ შესანახად. როცა დაგვჭირდება შევწვათ ტაფაზე და სუფრაზე მივიტანოთ.