ხორცის ბურთები კვერცხით

მასალა:

ფარში (ღორის+ საქონლის)  600გრ.

ხახვი  2ც.

ნიორი  2 კბილი

ოხრახუში, პილპილი და მარილი გემოვნებით

კვერცხი (მაგრად მოხარშული)  6ც.

მცენარეული ზეთი შესაწვავად.

ამოსავლებად:

კვერცხი (უმი)  1-2ც.

მდოგვი  1 ს/კ.

ორცხობილა ამოსავლებად.

მომზადება:

ხახვი დავჭრათ წვრილად და მოვთუშოთ ზეთში, დავამატოთ დანაყილი ნიორი, წვრილად დაჭრილი მწვანილი და კიდევ ვშუშოთ 4–5 წუთი. ხორცის ფარშს დავუმატოთ მოშუშული მასა, მარილი, პილპილი და დარჩენილი მწვანილი. კარგად მოვურიოთ და ცოტა "დავბეგვოთ” თასში ჩაგდებით. მზა ფარში 6-ად გავყოთ და ერთნაირი ზომის ბურთები გავაკეთოთ და შემდეგ ოდნავ გავაბრტყელოთ. ცალკე თეფშზე გავტეხოთ კვერცხი, დავამატოთ მდოგვი და კარგად მოვურიოთ. მეორე თეფშზე დაფშვნილი ორცხობილა დავყაროთ. ფარშის წრეებს დავადოთ მოხარშული კვერცხი და ნაპირები ისე შევაერთოთ, რომ კვერცხი შიგნით აღმოჩნდეს. მიღებული ბურთები ორცხობილაში ამოვავლოთ. მერე კი კვერცხისა და მდოგვის მასაში დავასველოთ და ისევ ორცხობილის ნამცეცებში ამოვავლოთ.  მოვბრაწოთ ბურთები ზეთიან ტაფაზე , აირღუმელში გადავიტანოთ და 180 გრადუს ტემპერატურაზე "გამოვაცხოთ”.