ხინკალი ქალაქური

მასალა:

ცომი:

ფქვილი 1კგ.

კვერცხი 1ც.

მარილი გემოვნებით.

შიგთავსი:

500გრ. ცხიმიანი საქონლის ან ცხვრის ხორცი, ან 300გრ. საქონლისა და 200გრ. ღორის ხორცი 

2-3 თავი ხახვი

ოხრახუში, ქინძი, პილპილი და მარილი გემოვნებით. 

მომზადება:

ფქვილს დავამატოთ მარილი, კვერცხი, წყალი და მოვზილოთ რბილი ცომი, მომზადებული ცომი გავაბრტყელოთ, ჭიქით გამოვჭრათ რგოლები და ისინიც გავაბრტყელოთ. თითოეულ ცომზე მოვათავსოთ მომზადებული დაახლოებით 1 ს/კ. შიგთავსი და შევახვიოთ. ხინკლები ჩავყაროთ ადუღებულ მარილიან წყალში (თანდათანობით ქვაბი ვატრიალოთ რომ ძირზე არ დაეკროს ხინკლები). როცა ყველა ხინკალი ამოტივტივდება, ვადუღოთ კიდევ 5 წუთი. შემდეგ ამოვიღოთ სასურველ ჭურჭელზე.

შიგთავსის მომზადება:

ხორცი გავასუფთავოთ, გავრეცხოთ, დავჭრათ პატარა ნაჭრებად, გავატაროთ ხორცსაკეპ მანქანაში ხახვთან და მწვანილთან ერთად. მოვაყაროთ პილპილი, მარილი და კარგად გადავურიოთ. დავამატოთ ცოტაოდენი თბილი წყალი (რამდენსაც შეიწოვს დაკეპილი ხორცი).