ხინკალი კახურად
მასალა: ცომი:
პურის ფქვილი 1კგ.
კვერცხი 2ც.
მარილი გემოვნებით.
შიგთავსი:
ცხვრის ხორცი 500გრ. ღორის ხორცი 500გრ.
ხახვი 4-5 თავი ოხრახუში 1 კონა
ქინძი 1 კონა
შავი პილპილი და მარილი გემოვნებით.
მომზადება:
ფქვილს დავამატოთ მარილი, კვერცხი, წყალი
და კარგად მოვზილოთ (ცომი უნდა მოვზილოთ მაგარი), მომზადებული ცომი გავაბრტყელოთ,
ჭიქით გამოვჭრათ რგოლები და ისინიც გავაბრტყელოთ. თითოეულ ცომზე მოვათავსოთ
მომზადებული დაახლოებით 1 ს/კ. შიგთავსი და შევახვიოთ. ხინკლები ჩავყაროთ ადუღებულ მარილიან წყალში (თან თანდათან ვატრიალოთ ქვაბი რომ ძირს არ დაეკროს ხინკლები), როცა ყველა ხინკალი ამოტივტივდება, ვადუღოთ კიდევ 5 წუთი. შემდეგ ამოვიღოთ
ქაფქირით სასურველ ჭურჭელზე. სუფრაზე მივიტანოთ დანაყილ პილპილთან ერთად.
შიგთავსის მომზადება:
ცხვრის და ღორის ხორცი გავატაროთ ორჯერ ხორცსაკეპ მანქანაში ხახვთან ერთად, შემდეგ დავამატოთ წვრილად დაჭრილი ოხრახუში, ქინძი, შავი პილპილი, მარილი, კარგად ავურიოთ, დავამატოთ ცოტა წყალი და ისევ კარგად ავურიოთ.
|
