ხინკალი

მასალა:

ცომი:

პურის ფქვილი 500გრ.

მარილი გემოვნებით.

შიგთავსი:

მსუქანი ცხვრის ხორცი  300გრ.

ღორის ხორცი  200გრ.

ხახვი  3 თავი

ოხრახუში, ქინძი, ქონდარი, პილპილი და მარილი  გემოვნებით.

მომზადება:

ფქვილს დავამატოთ მარილი, წყალი და კარგად მოვზილოთ (ცომი უნდა მოვზილოთ მაგარი), მომზადებული ცომი გავაბრტყელოთ, ჭიქით გამოვჭრათ რგოლები და ისინიც გავაბრტყელოთ. თითოეულ ცომზე მოვათავსოთ მომზადებული დაახლოებით 1 ს/კ. შიგთავსი და შევახვიოთ. ხინკლები ჩავყაროთ ადუღებულ მარილიან წყალში (დროდადრო ვატრიალოთ ქვაბი რომ ქვაბის ძირს არ მიეკრას), როცა ყველა ხინკალი ამოტივტივდება, ვადუღოთ კიდევ 5 წუთი. შემდეგ ამოვიღოთ სასურველ ჭურჭელზე.

შიგთავსის მომზადება:

ხორცი და ხახვი გავატაროთ ხორცსაკეპ მანქანაში, დავამატოთ წვრილად დაჭრილი ოხრახუში, ქინძი, ქონდარი, შავი პილპილი, მარილი, თბილი წყალი რამდენსაც შეიწოვს (დაახლოებით 1/2 ჩ/ჭ.) და კარგად ავურიოთ.