ქართული ხალვა

მასალა:

500გრ. თეთრი სიმინდის ფქვილი

250გრ. კარაქი

375გრ. შაქარი.

მომზადება:

სიმინდის ფქვილი გავცრათ ჯამში. კარაქი გავადნოთ ქვაბში დაბალ ტემპერატურაზე, ნელ–ნელა ჩავყაროთ ფქვილი, ვურიოთ ხის კოვზით და გავაჩეროთ დაბალ ტემპერატურაზე ღია ყავისფერი ფერის მიღებამდე. შაქარი გავყოთ თანაბრად შუაზე, ერთი ნაწილი ჩავყაროთ ქვაბში ავურიოთ, შაქრის მეორე ნაწილისგან მოვამზადოთ სიროფი: შაქარი გავხსნათ 375მლ. ცხელ წყალში (გავაჩეროთ გაზქურაზე სანამ მთლიანად არ გადნება შაქარი). ცოტათი გავაცივოთ და ჩავასხათ  მომზადებულ ფქვილიან მასაში, შემდეგ მოვზილოთ კარგად  ერთიანი მასის მიღებამდე. როცა მასა გაცივდება, გავყოთ პატარა ნაწილებად, დაახლოებით 50გრ. მივცეთ ბურთის ფორმა, მოვათავსოთ თეფშზე, გავაჩეროთ რამოდენიმე საათი და მივიტანოთ სუფრაზე.

(ხალვისთვის ფქვილი შეგვიძლია ავიღოთ შერეული – ნახევარი სიმინდის ფქვილი, ნახევარი პურის ფქვილი. კარგად ინახება ბნელ ადგილას, შევახვიოთ პერგამონტის ქაღალდში.