კუპატი (აფხაზურა)
მასალა:
ღორის ხორცი 1კგ. (შეიძლება
ძროხის და ღორის ხორცის არევაც)
წითელი ხახვი 200–300გრ.
კოწახური ან ბროწეული 60–70გრ.
ნიორი 2 კბილი
ქონდარი ნედლი 1 კონა ან ხმელი ქონდარი 12–14გრ.
ბადე-ქონი 600–700გრ..
წითელი წიწაკა და მარილი გემოვნებით.
დამატებითი ინფორმაცია:
დასავლეთ საქართველოში გავრცელებულია კუპატის კიდევ ერთი სახეობა,
რომელსაც ეძახიან "აფხაზურას." მისი სახელწოდებიდან გამომდინარე,
შეიძლება ვინმემ იფიქროს, რომ იგი აფხაზური წარმოშობისაა, მაგრამ ასე არ არის,
კუპატის ეს სახეობა განსაკუთრებით სამეგრელოსა და იმერეთის მოსახლეობაშია
პოპულარული. როგორც წესი, ქართულ სუფრაზე აფხაზურა მიაქვთ შუა ტრაპეზის დროს,
არაძირითად ცხელ კერძად. აღმოსავლეთ საქართველოში ამზადებენ ცხვრის ხორცითაც
(ღორის ნაცვლად). საკეპ მანქანაში გაატარეთ ხორცი და ხახვი. შეკაზეთ სუნელებით და
ბროწეულით. გადაახვიეთ ბადე-ქონში. აიღეთ ბადე-ქონი, გაწელეთ და დაიდეთ ხელის
გულზე, ზემოდან დაადეთ ხორცის ამოგუნდავებული ბურთულა (ხელის გული რომ გაავსოს
ისე) და გაახვიეთ ბადე-ქონი ზემოდან. ზედმეტი მასა მოაჭერით დანით ან მაკრატლით.
ჩაალაგეთ ქვაბში ან თასში და შედგით მაცივარში რამდენიმე საათით მაინც. შეგიძლიათ
მოამზადოთ წინა დღეს და შეწვათ სუფრაზე მიტანის წინ. სუფრაზე "მიდის" ცხელი.
შეწვისათვის გააცხელეთ ტაფა და ზეთი. დააწყვეთ აფხაზურები და შეწვით. შეწვის
წესები მსგავსია კატლეტის შეწვის ტექნოლოგიისა. სუფრაზე მიტანის წინ, შეგიძლიათ
მოაყაროთ ახლადდარჩეული ბროწეული.
მისაყოლებლად რეკომენდირებული ღვინო: ოჯალეში.
| 