კრუასანი

მასალა:

მარგარინი 200გრ.

არაჟანი 200გრ.

შაქარი 8 ს/კ.

პურის ფქვილი რამდენსაც შეიზელს.

პოვიდლო  შიგთავსისთვის.

მომზადება:

მარგარინი გავადნოთ და გავაცივოთ. მარგარინს დავუმატოთ არაჟანი, შაქარი და კარგად ავურიოთ. პერიოდულად ჩავყაროთ ფქვილი და მოვზილოთ ცომი. (ცომი უნდა გადმოვიდეს მძიმე და ცხიმიანი). ცომი გავყოთ ორ ნაწილად თითოული ნაწილი გავაბრტყელოთ  და დავჭრათ სამკუთხედის ფორმის ნაჭრებად. დაჭრილ ცომებზე მოვათავსოთ პავიდლო და გადავახვიოთ. მომზადებული კრუასანები მოვათავსოთ ცხიმწასმულ გამოსაცხობ ფორმაზე და გამოვაცხოთ აირღუმელში. ასევე შეგვიძლია ცომში მოვათავსოთ მარმელადი, გახეხილი შოკოლადი, მოხარშული კრემი ან გატარებული ნიგოზი შაქარში არეული.