კალმახი ქართულად

მასალა:

კალმახი 1ც.

ბროწეული 1ც.

მშრალი თეთრი ღვინო 1 ჭიქა

ქლიავი  200გრ.

ტარხუნა 50გრ.

ხახვი 2 თავი

დაფქვილი შავი პილპილი და მარილი გემოვნებით.

მომზადება:

თევზი გამოვშიგნოთ (ისე რომ მუცელი არ გავჭრათ) ხვრელიდან რომელიც წარმოიქმნება ლაყუჩების გამოცლის შემდეგ, გავრეცხოთ, მოვაყაროთ მარილი და წიწაკა. ქლიავი დავჭრათ წვრილად(ცოტა ქლიავი შევინახოთ გასაფორმებლად). ხახვი და ტარხუნა წვრილად დავჭრათ. ცოტა ბროწეული მარცვლები შევინახოთ, დანარჩენს კი ავურიოთ ქლიავი, ხახვი და ტარხუნა. თევზის მუცელი ამოვავსოთ მომზადებული შიგთავსით. ქვაბში ჯვარედინად მოვათავსოთ ჩხირები, დავასხათ ღვინო. ჩხირებზე მოვათავსოთ თევზი და გავაჩეროთ 15–20 წუთი. მომზადების შემდეგ გავაფორმოთ: დაჭრილი ქლიავით, ბროწეული მარცვლებით და მწვანილით.