კუანტრო

ლიქიორი "კუანტრო” 1875 წელს საფრანგეთში გამოუშვეს. ის 40-გრადუსიანი სასმელია. დღეისათვის მისი ექსკლუზიური წარმოების უფლება მხოლოდ ფრანგულ კომპანია "რემი კოინტრეს” აქვს. ლიქიორის რეცეპტი ედუარდ კუანტრომ შექმნა საყვარელი გარდაცვლილი ქალის საპატივსაცემოდ. თურმე ედუარდის საცოლეს ატამი განსაკუთრებით უყვარდა, ამიტომაც ბატონმა კუანტრომ საყვარელი ქალის სამახსოვროდ ატმისგან შეუდარებელი ლიქიორი შექმნა. სასმელი კი ოთხკუთხა ბოთლში ჩამოასხა. სხვათა შორის ლიქიორის პირველი ჩამოსხმის რამდენიმე ნიმუში დღემდეა შემონახული. სასმელი თავიდან რბილია, შემდეგ მწველი, ბოლოს კი რამდენიმე გემო ერთმანეთში ირევა და ტკბილი ატმის სურნელი რჩება. ლიქიორის განსაკუთრებულობა იმაში გამოიხატება, რომ სასმელის ფერი თავდაპირველად გამჭირვალეა. მას შემდეგ კი, რაც მას ჭიქაში მოათავსებთ და ყინულის ნაჭრებს დაუმატებთ, იგი ოპალის ფერს იღებს. ყველაზე გასაკვირი ისაა, რომ ყინულის დადნობის შემთხვევაში, სასმელი კვლავ გამჭირვალე ხდება.  ჯადოქრობა არ გეგონოთ, საქმე ისაა, რომ ლიქიორი ნატურალურ ეთერი ზეთებს შეიცავს, რომელიც ზემოქმედებს მისი ფერების პიგმენტაციაზე. ასე რომ, თუ გსურთ, რომ ქალბატონებზე განსაკუთრებული შთაბეჭდილება მოახდინოთ, დამერწმუნეთ, ამაზე კარგ სასმელს ნამდვილად ვერ მოძებნით.

წყარო: avtoradio.ge