კონიაკის სახლი: მარტელი

წარმოების მოცულობით მეორე ფირმა გახლავთ. ის 1715 წელს ინგლისელმა ჟან მარტელმა დაარსა, რომელიც კუნძულ ნიუ-ჯერსიდან ქალაქ კონიაკში გადასახლდა. ცოლის ნათესავების მხარდაჭერის იმედით, მან კონიაკის ბიზნესის ასაწყობად, მეუღლის მზითევი და საკუთარი ნაგროვები ქონება ჩადო. მან ყურადღება გაამახვილა კონიაკის პროდუქციის წარმოების არა მხოლოდ რაოდენობაზე, არამედ ხარისხზეც, და 1720 წელს უკვე მისი პროდუქცია დიდ ბრიტანეთსა და ჩრდილოეთ ევროპას მიეწოდებოდა, ხოლო 1721 წელს კონიაკ "მარტელის” ექსპორტი 200 ათას ლიტრს შეადგენდა. დამაარსებლის გარდაცვალების შემდეგ აყვავებული ფირმა, მისი ქვრივისა და შვილების ფრედერიკ და ჟან მარტელების მფლობელობაში გადავიდა. 1779 წელს დაიწყო კონიაკის ბოთლებში ჩამოსხმა. "მარტელმა’’ ერთ-ერთმა პირველმა აითვისა ამერიკული და რუსული ბაზარი, ხოლო მე-19 საუკუნის 1803 წლიდან მისი ექსპორტი ავსტრალიაში, ჩინეთსა და იაპონიაშიც დაიწყო. საფრანგეთის რევოლუციამდე "მარტელი’’ კონიაკის წარმოებაში წამყვანი ფირმა იყო. დღეს მის სათავეში მარტელების მეშვიდე თაობა პატრიკ ფირინო-მარტელი დგას, ამავდროულად  კონიაკის სახლს 1988 წლიდან კანადური (სპირტის მწარმოებელი) კორპორაცია "seagrem’s” აკონტროლებს. საუკეთესო "მარტელი” იყიდება საუცხოო მდიდრული გრაფინებით, რომელიც 24 კარატიანი ოქროებით არის გაწყობილი. ასევე საინტერესოა რომ "martel v.s.o.p. medallion” მიეძღვნა ლუდოვიკო XIV-ის ხსოვნას, ვინაიდან კონიაკის სახლ "მარტელის’’ დაარსება და ლუდოვიკო XIV-ის გარდაცვალება 1715 წელს უკავშირდება. აი ასე დაიბადა, გამოიარა შვიდი მფლობელის ხელში და განვლო განვითარების საფეხურები, კონიაკმა, რომელიც დღესაც არაჩვეულებრივი ყვავილებისა და ხილის ნაზი არომატით გამოირჩევა.

წყარო: avtoradio.ge