კომშის მურაბა

მასალა:

კომში  1კგ.

შაქარი  1კგ.

კომშის ნახარში  1,5 ჩ/ჭ.

მომზადება:

კომში გავრეცხოთ, მოვაცილოთ კანი და დავჭრათ ნაჭრებად. ავადუღოთ წყალი, ჩავყაროთ შიგ დაჭრილი კომში და მოვხარშოთ, სანამ ცოტა არ შერბილდება, მერე ქაფქირით ამოვალაგოთ კომში წვენიდან და ლანგარზე მოვათავსოთ ერთ ფენად. კომშის ნახარში წვენი გავწუროთ, ჩავასხათ შესაფერ ჭურჭელში (1,5 ჩაის ჭიქა 1 კილოგრამზე), დავუმატოთ შაქარი და მოვხარშოთ სიროფი, მერე ჩავაწყოთ შიგ მომზადებული კომში და ნელ ცეცხლზე ვხარშოთ, სანამ მზად არ იქნება.