კიტრის მწნილი

მასალა:

კიტრი 1კგ.

მარილი 25გრ.

ახალი კამა, ოხრახუში, ნიახური 300გრ.

ნიორი 50გრ.

მწვანე ყურძენი 100გრ.

ხარდალი 50გრ.

წიწაკა 5გრ.

მომზადება:

კიტრის მწნილის მოსამზადებლად შევარჩიოთ ქორფა, ახალი კიტრები, გავრეცხოთ ცივ წყალში, შემდეგ სუფთა კასრში ან თიხის ჭურჭელში ჩავაფინოთ ახალი კამის, ოხრახუშის და ნიახურის ფოთლები, წიწაკა, დაფნის ფოთლები, მკვახე ყურძენი, დაჭრილი ხარდალი, დაჩეჩქვილი ნიორი. კიდევ ჩავაწყოთ კიტრები და მასზე თანდათან მოვაყაროთ აღნიშნული ბოსტნეული, სანამ კასრი არ აივსება. ზემოდან დავაფაროთ კამის, ოხრახუშის და ნიახურის ფოთლები, დავასხათ მარილით შეზავებული ადუღებული და შეგრილებული წყალი იმდენი, რომ კიტრის შემადგენლობას ფარავდეს. დავადოთ რაიმე სიმძიმე, დავახუროთ თავი და დავდგათ გრილ ადგილას.