კარტოფილი ყველის შიგთავსით

მასალა:

ახალი კარტოფილი 6–8ც,

შიგთავსი:

ყველი 140–150გრ.

მწვანე ხახვი 2 ძირი

ნიორი 2 კბილი

არაჟანი 2 ს/კ.

წიწაკა და მარილი გემოვნებით

ზეთი შესაწვავად.

მომზადება:

გავრეცხოთ კარტოფილი და მოვხარშოთ ისე რომ არ დაიშალოს, მოხარშულ კარტოფილს გადავავლოთ წყალი და გავაცივოთ, თითოეულს კოვზით ამოვაცალოთ გულები ისე რომ კიდეები არ დაიშალოს.

შიგთავსის მომზადება:

ყველი გავხეხოთ წვრილ სახეხზე, ნიორი დავნაყოთ, მწვანე ხახვი გავრეცხოთ, დავჭრათ წვრილად და შევწვათ ზეთში 1–2 წუთით, დავუმატოთ ნიორი და გავაჩეროთ გაზქურაზე 1 წუთით, აღნიშნულ მასას შევურიოთ კარტოფილის გულები, გახეხილი ყველი (80–90გრ.) და კარგად ავურიოთ. კარტოფილი ამოვავსოთ მომზადებული შიგთავსით, თავზე მოვაყაროთ გახეხილი ყველი (40–50გრ.) მოვათავსო აირღუმელის ფორმაზე და გამოვაცხოთ 240–250*–ზე 10–15 წუთის განმავლობაში.