კაბერნე სოვინიონი

არსებობს ღვინის ხუთი სახეობა, რომელიც ბახუსის მოყვარულმა აუცილებლად უნდა იცოდეს, თუმცა ამ გამოშვებაში ვისაუბრებთ ერთ-ერთ სახეობაზე. ეს გახლავთ კაბერნე სოვინიონი.

კაბერნე სოვინიონი მსოფლიოში სახელგანთქმულია, როგორც ერთ-ერთი ყველაზე პოპულარული წითელი ღვინო. იგი ბორდოში დაიბადა და  XVII საუკუნიდანაა ცნობილი. ამჟამად ღვინის ეს სახეობა ფაქტობრივად ყველა ქვეყანაში იწარმოება, მათ შორის კანადაში, ავსტრალიაში, აშშ-ში, ჩილესა და იტალიაში.

ჩინებული ღვინო კაბერნე ფრანისა და კაბერნე ბლანის ჯიშების შერევით მზადდება. 10-15 წლიანი დაძველების შემდეგ კი იგი მუხის ქერქის, ყავის, შოკოლადის ან თამბაქოს არომატს იძენს. ახლგაზრდა კაბერნეს(3-7 წლიანი დაძველებით) შედარებით მსუბუქი, ჟოლოსა და ქლიავის არომატი აქვს, რომლებიც არაჩვეულებრივად ეხამება ერთმანეთს.

რასთან მივირთვათ?

დაძველებული კაბერნე საკმაოდ მაგარია, ამიტომ არ არის საჭირო იგი მსუბუქ კერძებთან ერთად მიირთვათ. მას შესანიშნავად მიესადაგება ადგილობრივი კერძები - ბიფშტექსი, ჩაშუშული ბატკნის ხორცი, კერძები არაჟნის სოუსითა და დესერტი შავი შოკოლადით. რაც შეეხება ახლგაზრდა კაბერნეს, მისი მირთმევა რეკომენდირებულია ღორის, ხბოს ან გარეული ფრინველის ხორცთან და ყველთან.

წყარო: avtoradio.ge