ისრიმ–მაყვალის საწებელი

მასალა:

მაყვალი 500გრ.

დაუმწიფებელი ყურძენი (ისრიმი) 300გრ.

ქინძი 3 ძირი

ნიორი 1–2 კბილი

კამა 1 ძირი

წიწაკა და მარილი გემოვნებით.

მომზადება:

ისრიმი და მაყვალი დავჭყლიტოთ (ცალ–ცალკე), გამოვწუროთ წვენი, გავწუროთ და ერთმანეთს შევურიოთ. ქინძი, ნიორი, წიწაკა, კამა და მარილი ერთად დავნაყოთ ქვიჯაში. შემდეგ დანაყილ მასას ვხსნით ისრიმ–მაყვალის წვენში. არსებობს მეორე, ალბათ უფრო რაჭულ–ლეჩხუმური ვარიანტი: ცალკე ვნაყავთ ნიგოზს და ჯერ ისრიმ–მაყვალის წვენში ვხსნით დანაყილ ნიგოზს, შემდეგ ერთად დანაყილ ნარევს, როგორც ზემოთაა. თუ საწებელი თევზისთვისაა განკუთვნილი, მაშინ საწებელს წვრილად დაჭრილი ხახვი ემატება.